Mbyllet Protesta – Pas rreth 1 ore, organizatorët e protestës njoftuan përfundimin e saj për të vijuar nesër në orën 7.
Aktori Gentian Zenelaj i ka bërë thirrje Presidentit Ilir Meta që të mos e dekretojë ligjin që parashikon shembjen e godinës së Teatrit Kombëtar.
“Bëhu burrë! do jesh i dyti pas Majkos që del nga rreshti. Historia s’mban mend dele, por ata që dalin nga reshti, mbajnë mend ujqër, ashtu siç janë edhe këta burra e gra që janë mbledhur këtu… Mos e njollos vetes me këtë turp”, tha aktori.
“Kjo s’është Tirana që duam”, vijoi ai, “ajo atje do jetë një WC e madhe, siç bëjnë punë publike këtu”.
“Duam të jemi kanakare si kroatët dje. S’kanë asnjë më shumë se ne, por s’kanë politikanë si ne”, shtoi.
Duke shpresuar se kreu i shtetit do të ktheje për rishqyrtim në Parlament ligjin, u bëri një apel edhe deputetëve e ministrave socialistë që mos ta votojnë sërish:
“Ministra, deputetë socialistë, mendoni me zemër, se do kalojnë vite dhe ju dhe fëmijët tuaj do ulni kokën”.