Në një kohë që protesta e opozitës vijon të jetë e tensionuar , kryetarja e LSI-së Monika Kryemadhi është shprehur e bindur se nuk do të tërhiqet. Para kryeministrisë , Kryemadhi u shpreh se policia ka kryer gjenocid mbi qytetarët ndërsa me ironi theksoi se të gjithë ata meritojnë helmim për faktin që lejuan Ramën të vijë në pushtet.
Kryetarja e LSI-së vijoi me sulmet ndaj kryeministrit Rama dhe nuk kurseu paralajmërimin që do t’i paguajë shumë shtrenjtë lotët e protestuesve.
“Të jetë i bindur Edi Rama, nesër pasnesër këtu më ka. Ne nuk marrim vendim, ne zbatojmë çfarë thotë populli. Ne të parët e meritojmë këtë helmimin se nuk duhet ta kishim lejuar ardhjen e tij në pushtet. Sot është bërë gjenocid. I bëj thirrje ambasadorëve të vijnë të shohin video. Sot kanë qenë më shumë se 100 mijë vetë. Më falni jo unë nuk angazhohem me strukturat me provokatorët e Edi Ramës. Mos u bëni avokatë të Edi Ramës.
Ne po të duam ia vëmë flakën në parlament atij. Lotët e këtyre vajzave do t’i paguajë shtrenjtë. Unë për veten timë do protestoj me qytetarët sot nesër. Protesta e studentëve na dhanë mësimin më të mirë. Sot bën provokimet më monstruozë të cilët janë helmuar mbi 10 herë me gazin lotësjellës. Shkojnë ta kapin policinë”, u shpreh Kryemadhi.
