Ylli Manjani ka kërkuar ndërhyrjen e Ilir Metës lidhur me situatën politike në vend.
Ish ministri i Drejtësisë shkruan në Facebook se presidenti që ka një rol për të luajtur dhe nuk mund të bëjë sikur nuk sheh e nuk dëgjon.
“Presidenti i Republikës, kryetari i shtetit dhe përfaqësuesi i unitetit të popullit, padyshim që ka një rol për të luajtur.
Nuk mund të bëjë sikur nuk sheh e nuk dëgjon.Qoftë edhe në emër të paanësisë apo mbipalësisë politike.
Vendi është në krizë e cila mund të çojë në përplasje.
Detyra e çdo Presidenti në këto kushte është thirrja e palëve në dialog.
Ndaj Presidenti nuk ka ç’pret më! Duhet të fillojë punën për të ulur palët në tryezë dialogu”, shkruan Manjani.
