Lideri demokrat Lulzim Basha i është bashkuar tubimit të president Ilir Meta duke dalë jo nga zyra e tij në selinë e PD-së, por nga kafja e hotel Rogner, ku më herët kishte takuar ambasadoren amerikan Yuri Kim.
“Falenderim nga zemra për gjithë qytetarët që i janë përgjigjur thirrjes për të mbrojtur kushtetutën. E vetmja mundësi për ruajtjen e lirisë është mbrojtja e kushtetutës. Liria rrënohet kur kushtetuta shkelet. Kjo nuk ësht ënjë protestë dhe ky është tubim, unë ndodhem në këtë tubim si prind, bashkëshort si një bashkëqytetar. Kam dalë me artistë, me të tjerë miq për të dhënë një mesazh të qartë që ky është një bashkim dhe tubim qytetar”, tha Basha.
