Pas disa orësh qëndrimi në polici, është liruar deputetja e lëvizjes Vetëvendosje, Saranda Bogujevci. Arrestimi i saj dhe 9 aktivistëve të VV-së ndodhi pas një proteste që ata zhvilluan para policisë, ku qëlluan edhe me bojë.
Lajmin për lirimin e saj e ka konfirmuar komandanti i stacionit policor “Qendra” në Prishtinë, Shkëlzen Xhafa.
Bogujevci ishte arrestuar pasi kishte dhënë një deklaratë për media pas protestës kundër dhunës në familje. Më herët, Policia tha se dhjetëra zyrtarë policorë kanë marrë lëndime gjatë kësaj proteste.
