Partia Demokratike ka reaguar pas deklaratave të ish-Kryeministrit Sali Berisha dhe deputetit Flamur Noka pasi këta të fundit u morën në pyetje në Prokurorinë e Tiranës për protestën e 8 Janarit.
PD thotë se Berisha ishte ideatori dhe urdhëruesi i dhunës dhe se kërkonte që “mbi gjakun e demokratëve të negocionte “non grata-n” e tij”.
“Vetëm një njeri në hall të madh mund të mashtrojë hapur shqiptarët për dhunën dhe terrorin e ushtruar kundër PD. Sali Berisha ishte ideatori dhe urdhëruesi i dhunës dhe terrorit. Sali Berisha kërkonte që mbi gjakun e demokratëve të negocionte “non grata-n” e tij.
Njësoj si ai, edhe ndihmësit e tij të sulmit përpiqen të mohojnë dhunën që e pa gjithë bota. Demokratët e kuptuan dhe u shkëputën përgjithmonë nga ata që e kanë përdorur dhunën si mjet politik! Ne kemi zgjedhur të ardhmen”, thuhet në reagim.