Kreu i Partisë Demokratike, Lulzim Basha, i ka bërë sërish apel qytetarëve që t’i bashkohen protestës së 27 janarit. Në emisionin “Opinion”, kryedemokrati Basha tha se qytetarët duhet të votojnë kundër qeverisë së krimit dhe blerjes së votës, kundër situatës ekonomike në të cilën ndodhen, dhe papunësisë.
Duke iu drejtuar qytetarëve, Basha theksoi se kjo protestë nuk është për ta bërë atë kryeministër, por në fokus të saj është interesi i shqiptarëve.
“Askush mos vijë për hallin tim, s’dua të bëhem kryeministër përmes protestës”, tha kryedemokrati Basha.
***
Ndërkohë ka theksuar edhe:
“Komisionet parlamentare të opozitës i saboton. Drejtësinë e ka kapur. Akti i kapjes së Prokurorit të Përgjitshëm dhe emërimi i vetes kryeprokuror është akti i fundit i një shteti i cili si ky. Ne këtë do të bëjmë. Këtë që ka detyrë opozita, të denoncojë, të tregojë me gisht përgjegjësit, të dërgojë faktet para institucionet, të thërrasë protest, t’iu prijë protestave bashkë me qytetarët. Këtu ku kemi ardhur, ku nuk ka më zgjedhje, e ke të faktuar tashmë jo vetëm në raportin e OSBE/ODiHR por edhe nga studimet e Bashkimit Europian që zgjedhjet u blenë. Ne mund të rrimë këtu të bëjmë një analizë të madhe të zgjedhjeve, analizën e ka bërë skandali i Saimir Tahirit. Skandali i Saimir Tahirit e ka bërë analizën e zgjedhjeve. Ta thonë ata, e kupton ti, me pak theks vlonjat, por e kupton, edhe atë fjalën e ndyrë “ia kam bërë këte e atë votive, 5 milion merr në muaj, 20 milion hedhe në zgjedhje. Pra ështe qartë se Shqipëria ka rënë në dorë të krimit. Nuk ka rënë sepse krimi na pushtoi me ushtri, por sepse Edi Rama zgjidhi krimin për të ardhur në pushtet dhe vazhdon bashkëpunimin me krimin dhe kur vazhdon bashkëpunimin me krimin, Shqipëria kthehet në një zonë të lirë të krimit. Kërcet tritoli. Plas droga dhe hashashi. Pasuritë e shqiptarëve grabiten“.
