Përshkallëzohet protesta në kryeqytet kundër rritjes së çmimeve, e cila është përhapur në të gjithë kryeqytetin. Qytetarët kanë bllokuar të dyja anët e Unazës së Vjetër. Disa janë ulur në tokë dhe kërkojnë uljen e çmimit të karburanteve.
Protestuesit iu kanë bërë thirrje shoferëve të fikin makinat dhe t’iu bashkohen në protestë për rritjen e çmimeve.
Gazetari Erjon Skëndaj tha se një grup është nisur drejt Zogut të Zi për të bllokuar dhe atje qarkullimin. Një pjesë e protestuesve kanë shkuar tek drejtoria e Policisë. Policia ndërkohë ka ndërhyrë duke kërkuar lirimin e rrugës.