Ish kryeministri Sali Berisha teksa ka folur për protestën ka deklaruar se “Shqipëria po zien”, nga mërzia e të gjitha shtresave të qytetarëve, nga pensionistët tek bizneset.
Berisha ka denoncuar se mbi bizneset e vogla janë sulur taksidarët. Teksa ka bërë publike një dukuri që sipas tij ministri i Brendshëm e fsheh.
“Mijëra policë e ushtarakë kanë paraqitur dorëheqjen, 2500 policë kanë dorëzuar dorëheqjen dhe Cuci i familjes fsheh realitetin”, tha Berisha.
Sali Berisha: Shqipëria po zien si rrallë ndonjëherë në historinë e saj nga zemërimi dhe revolta e qytetarëve të saj, bizneseve të vogla, të cilët presin në ankth të madh të nesërmen për shkak të lukunisë së taksidarëve që është derdhur mbi ta, po zien në cdo familje shqiptare për shkak të cmimeve të papërballueshme të produkteve bazë të jetës.
Po zien tek cdo i ri që sheh tek Rama një shpresëvrasës e ëndërrvrasës.
Tek cdo pensionist që qan me lotët e ftohta të mjerimit se nuk siguron dot kafshatën me pesnionin e tij.
Po zien tek qindra mijëra punonjës, rrogëtarë në këtë vend që me pagën mizerabël nuk përballojnë dot as gjysmën e muajit.
Mijëra policë e ushtarakë kanë paraqitur dorëheqjen, 2500 policë kanë dorëzuar dorëheqjen dhe Cuci i familjes fsheh realitetin.
