Kryedemokrati Lulzim Basha në një konferencë për shtyp pas protestës së dhunshme të ish-kryeministrit Sali Berisha sot, teksa u pyet se a e ka kërkuar ndërhyrjen e policisë gjatë protestës, tha se këto të fundit kanë ndërhyrë 1 orë e 30 min me vonesë, dhe ju desht kaq kohë të kuptonin skenarin e dhunës. Basha shtoi se ata që u ngjitën në selinë blu janë ushtarë të krimit.
“Demokratët s’kanë nevojë të derdhin gjakun për hallet e Berishës. Policia e Shtetit, pas 1 orë e gjysëm pretendonte se s’po ndodhte asgjë. Policia Shtetit e ka kthyer policinë në një instrument jo të mbrojtjes, por të shkeljes së ligjit dhe dhunimit të qytetarëve. Sot e përdori si instrument për të përshkallëzuar planin e dhunshëm të Berishës. PD do marrë hapat politikë dhe ligjorë për të zbardhur pse ju desh 1 orë e gjysëm të kuptonte skenarin e dhunës. Arsyeja e thjeshtë, vëllazëria Rama-Berisha.”-tha Basha.
