Ish kryeministri, Sali Berisha ka shprehur edhe një herë mbështetjen e plotë të tij për protestën e disa qytetarëve të cilët kërkojnë uljen e çmimit të naftës dhe të ushqimeve. Berisha është shprehur se dy vendet fqinje Kosova dhe Maqedonia që nuk prodhojnë asnjë litër naftë sërish e kanë më lirë se ne naftën.
“Protesta ka mbështetjen më të fuqishme të popullit opozitar. Kauza e saj është më ne drejta, që lidhet me ekzistencën e familjeve shqiptarëve, të cilave papërgjegjshmëria dhe korrupsioni i kësaj qeverie i ka shtyrë drejt niveleve të frikshme të varfërisë. Çmimet janë të pakrahasueshme me asnjë vend tjetër”, tha Berisha.
