Ende pa u publikuar romani i gazetarit dhe ish-deputetit Alfred Peza, “Sarah”, interesimi nga media dhe artëdashësit nisi të ishte maksimal, për vetë faktin e përmbajtjes së këtij libri. Paraditen e sotme Peza realizoi promovimin e tij në qytetin e Tepelenës.
Dhjetëra artëdashës, njerëz të arsimit, artit dhe kulturës u mbodhën në Pallatin e Kulturës për të folur dhe shkëmbyer mendime rreth romanit “Sarah”.
Romani i zhvendos ngjarjet e tij në Shqipërinë mes dy luftrave botërore, në vitet ’20-30 dhe ku personazhet kryesorë të tij janë Mbreti Zog, Sara Blloshmi mbesa e Ismail Qemalit dhe gruaja më e bukur e Shqipërisë së shekullit XX, Faik Konica, Gjergj Fishta, Enver Hoxha dhe shumë të tjerë, të njohur e të panjohur, personazhe të vërtetë apo të rremë. Romani është botuar nga MapoEdition. /AlpeNews.al/
