Ndërsa ka startuar ndeshja Partizani i Beogradit-Skënderbeu e vlefshme për Europa League, tifozët serbë kanë nisur provokimet me thirrje nacionaliste. Stadiumi “Partizani, Beograd” me 32 mijë vende është mbushur nga thirrjet e tifo-grupit “Grobari”: ‘Kosova është Serbi’.
Provokimet vijnë nga sektori ku qëndrojnë ultrasit. Thirrjet nacionaliste ‘Kosova është Serbi’ ende pa filluar ndeshja. Me gjithë thirrjet e drejtuesve të Partizanit që të shmangin thirrjet politike për të mos rrezikuar penalizimin nga UEFA, tifozët kanë vijuar me parullat edhe në minutat e para të lojës. Kujtojmë se tifozët shqiptarë nuk janë të pranishëm në stadium për shkak të marrëveshjes së presidentëve të klubeve për tifozeritë.
