Ministri Ahmetaj ka bërë të ditur lançimin e projektit “IDEA”, si garanci për sipërmarrësit e rinj. programi edhe pse duket modest do të përkthehet në punësim.
Ahmetaj: “Projekti “IDEA” është në mbështetje të inovatorëve nga 19 deri në 34 vjeç. Ju them se tani është momenti për mbështetje reale”.
Projekti “IDEA” zhvillohet në kuadër të bashkëpunimit gjermano-shqiptar dhe me mbështetjen e Shoqërisë Gjermane për Bashkëpunim Ndërkombëtar (GIZ), Ministrisë së Zhvillimit Ekonomik, Turizmit, Tregtisë dhe Sipërmarrjes (MZHETTS) dhe Agjencisë Shqiptare të Zhvillimit të Investimeve (AIDA), do të zhvillohet për të dytin vit në vendin tonë, projekti IDEA (Innovative Development for Entrepreneurs in Albania).
Projekti e ka zanafillën nga iniciztiva “GIZ” ku janë bërë trajnime në 4 qarqet kryesore të vendit (Tiranë, Shkodër, Gjirokastër, Korçë), ku morën pjesë rreth 100 biznese start-up, mbi mënyrën si të hartojnë dhe realizojnë një plan biznesi. Në fazën finale të projektit, finalistët prezantuan planet e tyre të biznesit para një jurie të përbërë nga përfaqësues të AIDA-s, Yunus Bussines Albania, Deloitte Albania dhe GIZ, të cilët shpallën edhe 5 fituesit e ideve më të mira.
