Jeff Bezos ka zbuluar projektin e tij më të ri: zyrat e reja të “Amazon” në Siatëll.
Ndërtesa e re prej xhami dhe me kornizë çeliku do të strehojë 800 punonjës të kompanisë Amazon.
Projekti me vlerë 4 miliardë dollarë përfundoi me ndërtimin e kampusit “Sferat”, ku punonjësve u ofrohet një mjedis i ngjashëm me pyjet e shiut në Amerikën e Jugut.
Rreth 40 mijë bimë gjelbërojnë tri sfera gjigante me lartësi të ndryshme.
Klima brenda sferave mund të kontrollohet.
Temperatura dhe lagështira u përshtaten atyre që kërkojnë bimët.
Megjithatë, ato ndryshojnë në sektorë të veçantë të sferave.
Në katet më të larta, punonjësit mund të bëjnë pushimin e ditës.
Ndërsa për takimet janë parashikuar ndarje si çerdhe zogjsh.
