INSTAT publikoi të dhënat ku pasqyroi një rritje progressive e ekonomisë së Shqipërisë dhe si rrjedhojë edhe e PBB (Produktit të Brendshëm Bruto).
Por një vëmendje të veçantë këtyrë shifrave iu ka kushtuar edhe e përdishmja britanike “Dail mail” ku ndër të tjera shkruan: Reshjet e shumta të shiut ndihmuan hidrocentralet të prodhonin më shumë energji elektrike gjatë tre mujorëve të parë.
ARTIKULLI I PLOTË:
Produkti i brendshëm bruto i Shqipërisë u rrit me 2.21 për qind në tremujorin e parë të vitit 2019 gjatë të njëjtës periudhë të vitit të kaluar dhe kjo është ndihmuar nga tregtia, transporti, akomodimi, shërbimet ushqimore, pasuria e patundshme dhe ndërtimi, njoftoi zyra e statistikave të hënën.
Sektori i industrisë, energjisë dhe ujit që është edhe zhvilluesi kryesor i rritjes vjetore të vitit 2018 prej 4.06 për qind në sajë të prodhimit të energjisë elektrike u tkurr me 0.81 për qind në tremujorin e parë.
Reshjet e shumta të shiut ndihmuan hidrocentralet të prodhonin më shumë energji elektrike gjatë tre mujorëve të parë.
Krahasuar me tremujorin e mëparshëm, PBB-ja u rrit me 0.56 për qind në tre muajt e parë të vitit 2019, tha Instituti i Statistikave, i nxitur nga tregtia, transportimi, strehimi dhe shërbimet ushqimore, ndërtimi dhe peshkimi.
Rritja në tremujorin e parë është rreth gjysma e normës prej 4.3 për qind që Shqipëria parimisht pret të arrijë çdo vit në 2019. Fondi Monetar Ndërkombëtar parashikon 3.7 për qind.
Duke reaguar ndaj shifrës më të ulët të rritjes, Ministria e Financave tha se “ndryshimet pozitive në tremujorin e dytë në sektorin e energjisë pritet të normalizojnë kontributin vjetor të sektorit të energjisë në rritje, që pritet të përmbushë parashikimet”.
Mbyllja e pikave të llotove kishte ndikuar gjithashtu në rritjen në tremujorin e parë të vitit 2019, por përfitimet e saj sociale në afat të gjatë sjellin më shumë përfitime ekonomike.
/AlpeNews.al
