Prej më shumë se 20 ditë Ukraina ndodhet nv një luftë të tmerrshme me Rusinë, ku mijëra banesa, pallate janë shkatërruar e shumë njerëz e fëmijë të pafajshëm janë vrarë.
Por për fat të keq viktimë e kësaj lufte kanë mbetur edhe gazetarë të cilët mes frikës për mbijetesë dhe tmerrit të luftës ndërruan jetë teksa ishin duke bërë detyren e tyre fisnike, atë të transmetimit të ngjarjeve të fundit nga sulmet ruse në Ukrainë.
Alpenews.al ju sjell profilet e gazetarëve të cilët mbetën të vrarë duke sakrifuar jetën në luftë.
Ish-gazetari i “New York Times” Brent Renaud u vra në Irpin të Ukrainës. Brent Anthony Renaud ishte një gazetar, regjizor dokumentarësh dhe fotoreporter amerikan. Renaud punoi me vëllain e tij për të prodhuar filma për media të tilla si HBO dhe Vice News, dhe ishte një ish-kontribues në The New York Times.
Fotografi i kanalit televiziv amerikan “Fox News”, Pierre Zakrzewski, u vra në Ukrainë pasi automjeti me të cilin po udhëtonte me gazetarin Benjamin Hall u godit me armë, tha të martën kanali “Fox News”. Si fotograf lufte, Zakrzewski kishte mbuluar ngjarjet e konflikteve në Irak, Afganistan dhe Siri për kanalin Fox News.
Gjatë sulmeve ruse u vra edhe gazetarja ukrainase 24-vjeçare, e cila gjithashtu punonte për televizionin amerikan.Oleksandra Kuvshinova, kishte qenë korrespondente për Fox News që nga dita e parë e nisjes së agresionit rus në Ukrainë.Ajo u përshkrua si vajzë “e hareshme dhe e sjellshme” nga një producent i Fox News, i cili kishte punuar me të gjatë konfliktit
AlpeNews.al