Vritet me armë zjarri vëllai i ish deputetit Arben Ndoka, Aleksandër Ndoka 48 vjeç. Mësohet se ngjarja ka ndodhur rreth orës, 04:25 ne lagjen “Nënë Tereza”ku viktima është gjetur i vrarë në automjetin e tij.
48-vjeçari ka qenë i vetëm në makinë, ndërsa janë sekuestruar kamerat e sigurisë së bizneseve pranë vendit të ngjarjes për të dërguar në identifikimin e autorëve. Sipas dëshmive të para nga familjarët dhe nga banorët e zonës nuk janë dëgjuar të shtëna duke bërë të mendohet se ekzekutimi mund të jetë bërë me silenciator. Gjithashtu mësohet se i kanë bërë pritë.
Aleksandër Ndoka, që u ekzekutua me një atentat mafioz nga persona të paidentifikuar ishte babai i 4 fëmijëve, ndërsa kishte punuar në institucione të ndryshme lokale në qytetin e Lezhës. Gjithashtu Ndoka kishte biznese të vetat, ku mësohet se aktiviteti i tij ishte marrja me duralumin.
Ndoka më parë kishte punuar në Hipotekë, më pas u zgjodh në 2015 anëtar i Këshillit Bashkiak të Lezhës i zgjedhur nga “Partia Rruga e Lirisë”.
Ish deputeti Arben Ndoka është akuzuar disa herë për lidhjet e tij me krimin. Përveç tij edhe vëllai i vogël Xhevahir Ndoka ka qënë jo pak herë i përmendur. Një nga këto është rasti kur ky i fundit kërcënoi me jetë ish deputetin e PS, Eduart Ndocaj.
Policia ka nisur kontrollet për të identifikuar dhe arrestuar autorët. Ekziston formulari i vetëdeklarimit të Ndokës ku rezulton se nuk ka precedent penal, megjithatë hetimet po vijojnë.
Përgatiti: AlpeNews.al
