Ambasadorja e Shteteve të Bashkuara të Amerikës në OKB, Nikki Haley deklaroi se Uashingtoni po përpiqet që të gjitha vendet ta njohin Prishtinën zyrtare në Kombet e Bashkuara.
Diplomatja e lartë solli edhe faktin që bashkëshorti i saj është me origjinë shqiptare.
Më tej ajo theksoi se shqiptarët e Kosovës u treguan të gatshëm të ndihmonin kur Teksasi u godit nga uragani këtë vit.
“Ne deshëm të merrnim pjesë në këtë aktivitet për disa arsye. Jam këtu me bashkëshortin tim, gjyshi i të cilit erdhi në Amerikë nga Shqipëria. Kemi shumë gjëra të përbashkëta me kosovarët në komunitetin shqiptar.
Ne po përpiqemi që Kosova të marrë njohjen e të gjithë vendeve në OKB dhe do të vazhdojmë ta bëjmë këtë derisa Kosova ta fitojë njohjen.
Arsyeja që e bëjmë këtë, vazhdoi Haley, është se kemi disa vlera të përbashkëta: respektojmë njëri-tjetrin, besojmë tek njëri-tjetri e kemi të njëjtat vlera demokratike.
Michael Haley është një oficer amerikan në Gardën Kombëtare të Karolinës së Jugut dhe burri i ambasadores amerikan dhe ish Guvernatores së Karolinës së Jugut Nikki Haley. Për rrjedhojë ai kishte statusin e bashkëshortit të shefes së këtij shteti, ose të “Zotërisë së Parë” të Karolinës së Jugut, nga viti 2011 deri në vitin 2017. Ai u bë i pari që e mbajti këtë pozicion, pasi Karolina e Jugut është qverisur gjithmonë nga një burrë, përpara Niki Haleyt.
Fakti që Michael Haley u bë personi i parë që mbajti pozicionin e bashkëshortit të Guvernatores së një shteti si Karolina e Jugut, krijoi jo pak spekulime në fillim, se çfarë realisht e konkretisht do të ishte roli i tij. Ai hyri në 15-tëshen e parë të personave me këtë status në historinë amerikane. Kjo do të thotë se në 51 shtetet e SHBA-ve, gratë ia kishin dalë vetëm 15 herë që të zgjidheshin Guvernatore. Një detyrë kjo ekzekutive mjaft e rëndësishme në SHBA.
Martesa me ambasadoren, Nikki Haley
Çifti Haleys u takuan në vitin 1989 kur ishin studentë në Universitetin Clemson. Ndërsa Nikki Haley është diplomuar në Clemson, Michael u diplomua nga Universiteti i Karolinës së Veriut në Charlotte me një diplomë në administrimin e biznesit. Michael Haley është diplomuar në Shkollën përgatitore të Hilton Head.
Michael dhe Nikki Haley u martuan në vitin 1996 në dy ceremoni, një ceremoni “Sikh” (indiane) dhe një ceremoni në St Andrew’s by-the-Sea. Ajo ishte kisha metodiste në Hilton Head, ku prindërit e Haley, Carole dhe Bill, kanë jetuar që kur janë larguar nga puna në Cleveland, Ohio kur Michael ishte vetëm në klasën e nëntë. Nikki siç mund të kuptohet tashmë, ka origjinën e saj nga India, dhe është femra e dytë indiane që është pjesë e kabinetit qeveritar të Presidentit amerikan Donald Trump.
Prindërit e Michael:
Para tërheqjes në Hilton Head, Bill Haley ishte drejtor i një fabrike të prodhimit të çelikut dhe Carole Haley jepte mësim në shkollë. Haley punoi në Exotica International, dyqani i veshjeve i themeluar nga vjehrra e tij Raj Randhawa, para se të bëhej një teknik ushtarak federal në kohë të plotë me Gardën Kombëtare të Karolinës së Jugut në vitin 2006.
Kjo do të shënonte largimin e tij të parë jashtë shtetit. Ai ka shërbyer si oficer i shërbimit mjekësor dhe si oficer planifikimi në selinë e Gardës së Kolumbisë. Nuk saktësohet se nga cili qytet apo krahinë e Shqipërisë ka emigruar për në SHBA gjyshi i Michael, periudha kohore dhe mbiemri që kanë mbajtur në Shqipëri derisa me kalimin e viteve, mbiemri i tyre fillestar ka marë trajtën e sotme: Haley.
Përgatiti: AlpeNews.al
