Një shqiptar mes 4 irakianëve, një shtetasi grek, një siriani dhe një nga Bangladeshi është arrestuar nga policia greke për falsifikim të dokumenteve për me qëllime emigrimi në vendet e Bashkimit Europian.
Mediat greke bëjnë me dije se shqiptari ishte një prej krerëve të këtij grupi kriminal, e ndërsa nga ky aktivitet mendohet të jenë përfituar të paktën 1 milionë euro.
Në kontrollin e bërë në banesat e të arrestuarve policia greke sekuestroi dokumente të falsifikuara si pasaporta, karta identiteti, leje qëndrimi, tre kompjutera, katër vula shërbimesh shtetërore, 19.040 euro, dollarë amerikanë, dinarë irakianë dhe lira turke, 2 automjete dhe 18 telefona celularë.
Po ashtu prasinanea.gr shkruan se grupi kriminal përgatiste dokumente udhëtimi të falsifikuara, që pastaj ua shiste trafikantëve të ndryshëm. Çmimet e shitjes me shumicë varionin nga 100 deri në 240 euro. Pastaj trafikantët pajisnin me këto dokumente dhe kundrejt çmimeve të “kripura”, emigrantë që donin të udhëtonin nga Greqia për në vende të tjera të BE-së. Në këtë grup, sigurimi i dokumenteve të falsifikuara ishte misioni i shtetasit shqiptar.
