Zgjedhjet për kryetarin e partise demokratike do të mbahen me 13 qershor, teksa veç Lulzim Bashës, edhe tre kandidate te tjerë janë pjesë e garës.
Një nga emrat më surprizues është ai i Agron Shehajt, qe njihet si një nga te besuarit e Bashës që prej zgjedhjeve parlamentare të 2017.
Dy ditë më parë, kur njoftoi vendimin e tij, Shehaj shkruante se Partise Demokratike i energji të reja, vizion i ri dhe drejtim i ri.
Agron Shehaj u lind në qytetin e Vlorës. Ai emigroi drejt Italisë bashkë me familjen në vitin 1991. Shkollën e mesme e kreu në Bolzano, Itali, ndërsa studimet e larta për ekonomik i përfundoi në Firenze.
Ne vitin 2005 Shehaj vendos të kthehet në Shqipëri dhe që aty ai i ngjiti me shpejtësi shkallët e suksesit në fushën e biznesit të telemarketingut, duke u pozicionuar si një ndër punëdhënësit më të mëdhenj në tregun shqiptar.
Instituti i Studimeve historike “Lumo Skëndo”, i themeluar nga Shehaj dhe historiani Uran Butka, është një qendër kërkimore dhe botuese e veprave të Mid’hat Frashërit. Arkiva digjitale Kujto.al është një nismë e Fondacionit për kujtimin e viktimave të komunizmit në Shqipëri. Përmes dëshmish, dokumentesh arkivore dhe intervistash, në këtë arkivë do të gjeni në mënyrë të përditësuar risi rreth fatit të viktimave, burgjeve dhe kampeve të internimit gjatë regjimit gjysmëshekullor.
Në Tiranë ai është sponsor i “Spartakut”, një klub futbolli për fëmijë të cilët nuk kanë mundësi ekonomike për të paguar klasat e futbollit.
Në vitin 2017 filloi angazhimi i tij politik si kryesues i listës së Partisë Demokratike në Vlorë, teksa ne zgjedhjet parlamentare të 2021 Shehaj arriti të merrte mbi 13 mijë vota ne Tiranë, duke u permendur shpeshherë edhe si politikani që shpenzoi më shumë para në rrjetet sociale dhe promovimin e tij.
Momentet e tij të forta në politikë janë të pakta, por ato humane jo, duke permendur ketu gjestin e dhurimit të pages së deputetit për 6 motrat jetime në Kukës.
Intervistat e Shehajt janë më shumë mbi tema sociale, jetën e tij në emigrim,si i ka bërë të ardhurat e tij, bamirësitë dhe pak për politiken.
Kur Gazmend Bardhi u pyet se perse Shehaj nuk do jete pjesë e listës së Vlorës, ai u shpreh se kjo ndodhi per shkak të kerkese së madhe që Agron Shehaj kishte në Tiranë.
Sot, ai i ka shpallur publikisht “luftë” Lulzim Bashës, njeriut që në 2017 e futi në politikë dhe e vuri të parin në listën e Vlorës.
AlpeNews.al
