Kryeministri i Kosovës, Ramush Haradinaj, është shpallur person “non grata” nga SHBA, për shkak të planit për të shfuqizuar Gjykatën Speciale.
Për këtë arsye, pak ditë më parë atij ju refuzua viza për të udhëtuar për në Amerikë, një rast i paprecedentë ky, për një politikan të rangut të tij.
Por, duket se Haradinaj e ka gjetur “shpëtimin” tek Ilir Meta.
Raportohet se ai do të marrë pasaportën shqiptare.
Dekreti i presidentit shqiptar për të pajisur me pasaportë Haradinajn ka kaluar muaj më parë.
Por, Haradinaj nuk e kishte tërhequr pasaportën shqiptare.
Vetëm tre ditë më parë, pasi iu refuzua viza nga SHBA, Haradinaj aplikoi për të marrë pasaportën shqiptare.
Të dhënat për pasaportën shqiptare të Haradinaj janë hedhur në sistem dhe mësohet se dokumenti është gati.
Pritet në ditët në vijim që kryeministri Haradinaj të bëjë tërheqjen e pasaportës shqiptare.
Nuk dihet nëse pas kësaj, Haradinaj do aplikojë sërish për vizë amerikane, por këtë herë si shtetas shqiptar, dhe nga Ambasada amerikane në Tiranë.(TemA)