Skandali me pronat në Spille dhe privatizimi i poligonit të qitjeve ushtarake, kanë shpallur në kërkim biznesmenin Idlir Karkini i cili njihet edhe si Ilir Karkini. Karkini nuk është një emër i panjohur në Shqipëri. Ai radhitet në listën e bizesmenëve më në zë, por edhe si miku i politikanëve. Ai administron kompanitë “Idea-Tel” dhe “Alb Communication Consult” ndërkohë që është ka fituar disa vite më parë dhe tenderin për menaxhimin e shërbimit të mirëmbajtjes për Radarët Detarë të Ushtrisë dhe për mirëmbajtjen e rrjetit të dixhitalizimit të TVSH, me vlerë 8.8 milionë euro. Karkini sipas tenderit të fituar merr çdo vit 2 milionë euro nga Televizioni Publik.
Prej ditës së djeshme Karkini është shpallur në kërkim, ndërkohë dyshohet se operacioni për arrestimin e biznesmenit të njohur është dekonspiruar. Karkini morri 1.15 mld lekë dhe pronë në Spille, raporton AlpeNews.al
Poligoni ndodhet në fshatin Rreth Greth në afërsi të Spilles. Gjatë komunizmit e deri vonë, ishte i vetmi vend ku shkonin për të bërë qitje stërvitore forcat kundërajrore, artileria tokësore dhe bregdetare të ushtrisë shqiptare. Ka qenë zonë e ndaluar për qytetarët. Ka pyll me pisha shumëvjeçare dhe burime nëntokësore uji dhe rëre të pashkelur. Ndër më të virgjërat e të bukurat e bregdetit shqiptar.
Këtu qëndron skandali, prona e privatizuar nga Idlir Karkini është që një pronë ekskluzive dhe që i takonte historikisht Ministrisë së Mbrojtjes për shkak të një veçorie specifike, se vetëm aty bëheshin qitje me armë të rënda, predhat e të cilave binin në det në një zonë me një perimetër të caktuar, ku nuk lejohej kalimi i anijeve dhe peshkarexhave për arsye sigurie, është privatizuar, sipas AlpeNews.al.
Pas tre kërkesave radhazi nga Ministria e Mrojtjes për regjistrimin e kësaj pronësie në hipotekën e Kavajës, nuk është bërë, por ndërkohë atë e ka privatizuar biznesmeni Karkini.
Pas këtij skandali të bërë publik gjatë këtyre 24 orëve, do të hetohen edhe zyrtarë të ministrisë së Mbrojtjes, sepse mendohet që mund të ketë bashkëpunëtorë të përfshirë në këtë skandal.
Përgatiti: AlpeNews.al
