Në kuadër të operacionit policor “Start 2018” në Elbasan ka rënë në pranga Taulant Dubali 44 vjeç, lindur dhe banues në Elbasan.
Arrestimi i tij u bë pasi i’u gjetën dhe sekuestruan 20.700 dollarë, prerje 100 (njëqindëshe) të falsifikuara. Dyshohet se 44 vjeçari prej një kohe të gjatë merret me këtë aktivitet dhe se nuk është i vetëm por ka edhe bashkëpunëtorë të tjerë të cilët janë në kërkim nga poilicia.
Operacioni dhe hetimet vazhdojnë për dokumentimin e plotë ligjor të kësaj veprimtarie kriminale si dhe përfshirjen e mundshme të personave të tjerë të implikuar në këtë aktivitet kriminal.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Falsifikimi i monedhave” parashikuar nga neni 183/2 i Kodit Penal.
