Presidenti i Kosovës, Hashim Thaçi e ka cilësuar Gjykatën Speciale si “padrejtësi historike”, ndërsa pranoi hapur se qeveria e ka pranuar atë pa dëshirë si “çmim për lirinë e saj”.
Gjatë një interviste për Associated Press, vetëm pak ditë para datës së 10-vjetorit të pavarësisë së Kosovës, presidenti ka kritikuar gjykatën me seli në Holandë. Ai tha se është e ngjashme me krijimin e ndonjë gjykate që do të gjykonte hebrenjtë që janë përndjekur nga nazistët në Luftën e Dytë Botërore. “Kosova ka luftuar për të mbrojtur ekzistencën e kombit dhe nuk ka sulmuar askënd.
Nuk kemi asgjë për të fshehur”, pohoi Thaçi. Kujtojmë se ambasadori amerikan në Kosovë, Greg Delawie deklaroi sot se gjykata e ka synim sigurimin e drejtësisë për viktimat.
