Kryeministri Edi Rama bën me dije se është takuar sot në Turqi edhe me Presidentin e Azerbajxhanit Ilham Aljev.
Përmes një postim në Facebook, Rama thotë se kanë diskutuar edhe për çështjen e rafinerisë së Ballshit.
“Me Presidentin e Azerbajxhanit, mikun e mirë Ilham Aljev, vendosëm sot në Turqi disa piketa mbi bashkëpunimin në sektorët e energjisë dhe turizmit.
Prekëm konkretisht edhe çështjen e Rafinerisë së Ballshit, ku së fundmi është përfshirë një kompani azere, duke kërkuar dhe marrë angazhimin e Presidentin për të ndihmuar në zgjidhjen afatgjatë të problemit të krijuar nga privatizimi famëkeq i viteve më parë”, shkruan Rama në Facebook.
