Alfred Peza
Opozita parlamentare dhe ajo jashtparlamentare!
Opozita shqiptare tani është me dy koka. Jo se opozita e vetme që ishte deri dje, është përçarë.
Përkundrazi!
Janë më të bashkuar se kurrë në marrëzinë e vet për ti shkuar deri në fund daljes nga sistemi demokratik politik. Por tani kemi dy opozita brenda të njëjtit trung opozitar.
Fakt është se tani Shqipëria ka edhe opozitën e re parlamentare edhe opozitën e vjetër jashtparlamentare.
Opozita e re Parlamentare këtë javë bëhet me 10 deputetë në sallë. Ndërsa opozita jashtparlamentare, pas “djegies” së mandateve të deputetëve, është në provën e mandateve për pushtetin lokal.
Më18 mars është afati i fundit për të regjistruar komisionerët e KZAZ, për procesin e 30 qershorit.
Opozita parlamentare vjen duke u rritur jo vetëm numerikisht, sepse dhjetra deputetë të tjerë pritet të marin mandatet nga KQZ, për të nisur jetën e re politike.
Ndërsa opozita jashtparlametare, nëse do vijojë me këtë kurs, është në rrugën e duhur drejt zhbërjes si një nga realitet politike më të rëndësishme të Shqipërisë postkomuniste.
Çfarë rrjedhe do të marë kjo pjesë e historisë sonë politike? Viti 2019, me sa duket do të jetë më i rëndësishëm sesa ishte menduar.
