Pas një dimri të gjatë dhe jo edhe aq të “mëshirshëm”, në Dibër ka “trokitur” pranvera.
Natyra madhështore që karakterizon vendin ofron një pamje të veçantë nën gjelbërimin dhe lulëzimin e luleve si dhe çelje e pemëve.
Kodra dhe male të thepisura kanë një bukuri të rrallë. Dhe nuk mund të lëmë pa përmendur 9 malet e Dibrës, të cilat janë bërë frymëzim edhe për shumë artistë, që i kanë bërë pjesë vargjeve të këngëve të tyre.
Shumë zona të tilla si Kalaja e Dodës me Korabin madhështor e livadhet alpine, zona e Gramës me kullotat alpine, liqenet natyrale të tipit karstik, liqeni artificial në qendër të Gramës, i shoqëruar me drurët pyjorë të bredhit e pishës, janë me të vërtetë perla të rajonit të Dibrës.
Dibra me qytet Peshkopinë njihet për Llixhat kurative, që përkthehen në një potencial ekonomik për të duke tërhequr drejt saj, shumë vizitorë, veçanërisht në stinën e pranverës dhe të vjeshtës.
AlpeNews.al ju sjell pamje nga peisazhi i pranverës në Dibër nga lulëzimi i luleve tek gjelbërimi në tërësi i vendit.
Përgatiti: AlpeNews.al
