Nusja e Enverit, Liliana Hoxha ne vijim te intervistes se saj ne “Panorama”, tregon se pasi provoi publicistikën, ku përmes dy librave të saj ajo tregoi marrëdhëniet e ndërlikuara brenda familjes Hoxha, por dhe rolin e agjenturave të huaja në Shqipëri, ajo ka zbuluar edhe prirjen e saj në pikturë.
Aktualisht zonja Hoxha i është përkushtuar çdo ditë pikturës, në të cilën shpreh ato shqetësime, që ajo vetë i ka përshkruar në librat e saj.
Ajo ka portretizuar Nexhmije Hoxhën duke e cilësuar “Lady Makbeth” apo duke e stigmatizuar në një tjetër portret si “Lëngata shqiptare”. Ajo e shpreh qartë në intervistën e saj, atë çfarë ka dashur të thotë për portretet.
“Nexhmije Hoxha mbetet prova e gjallë e aktivitetit agjenturor, që ka uzurpuar Shqipërinë, qoftë e fundit për nga politikat europiane, që automatikisht minimalizojnë rolin e tyre. Ndaj, e kam projektuar në art jo si person, por si fenomenin më të rrezikshëm që ka punuar nëndheshëm për vetasimilimin e shqiptarizmit”, shprehet Liliana Hoxha.
“Nexhmije Hoxha nuk përfaqëson vetëm veten, por fuqinë më të errët çubriloviçiane, përmbi 70 vjet, nga ‘41 deri sot. Sa të jetë gjallë, mbetet kryeeksponenti, së paku nyjë, në mos fuqi ekzekutive e agjenturës. Mbetet prova e gjallë e aktivitetit agjenturor që ka uzurpuar Shqipërinë, qoftë e fundit për nga politikat europiane, që automatikisht minimalizojnë rolin e tyre. Ndaj, e kam projektuar në art jo si person, por si fenomenin më të rrezikshëm që ka punuar nëndheshëm për vetasimilimin e shqiptarizmit. Por, në fund, Enveri e ka kuptuar për mënyrën si e ka trajtuar kur ishte i paralizuar”- thote ajo ne intervisten per “Panorama”.
