Turqia ka zgjedhur vaksinën kineze kundër COVID-19, ndërsa tashmë ka nënshkruar edhe kontratën për 10 milion doza, tha ministri i Shëndetësisë, Faherettin Koca.
Ai njoftoi se bisedimet kanë përfunduar dhe se 10 milion doza nga vaksina Sinovac janë rrugës.
Vaksina do të shpërndahet në të njëjtat kushte si në Bashkimin Evropian, pra së pari tek personeli shëndetësor, pastaj tek grupet me rrezik të lartë dhe më pas tek pjesa tjetër e popullatës, ndërsa do të jetë falas për të gjithë.
Turqia synon të administrojë deri në 50 milion doza të vaksinës kineze, tha Koca, duke shtuar se do të vazhdojë gjithashtu të testojë licencimin e vaksinave të tjera kandidate.
