Prandaj janë të burgosur. Personat që janë të izoluar në vendet e vuajtjeve të dënimeve janë të kufizuar të bëjnë shumë gjëra duke filluar nga komunikimi me të afërmit përveç takimit brenda këtyre ambjenteve, janë të kufizuar të përdorin celularë e shumë gjëra të tjera.
Por disa kanë tentuar t’i thyejnë këto rregulla duke u munduar të fusin sende të palejuara brenda qelive.
Një baba që ka tentuar ti dërgojë DROGE, djalit të tij në burg, ditën e sotme.
Babai ka tentuar të fusë drogë për të birin në burg duke e fshehur mes ushqimeve. Por plani i 58 vjeçarit nga Kruja u prish në momentin që policët e kontrollit të ushqimeve dhe sendeve kanë konstatuar lëndën narkotike mes ushqimeve.
Një 38-vjeçar është vendosur në pranga kur tentoi t’i thyejë keto rregulla. Edi Gjoni të fusë në burgun e Shënkollit dy fletë-sharre, por është vënë në pranga nga policia e Lezhës. 38-vjeçari , u vu në pranga në flagrancë në momentin që i dërgonte vëllait të tij që vuan dënimin në burgun e Shën Kollit një çantë me ushqime. Gjatë kontrollit të ushtruar nga policia iu gjetën dy fletë sharre, të cilat ju sekuestruan nën cilësinë e provës materiale. 38-vjeçari akuzohet për “Dhënie ndihmë të burgosurit për largim”. Mësohet se i vëllai i tij është dënuar për vjedhje me dhunë.
Viktimë e këtyre rasteve ka rënë edhe një grua në vitin 2015 e cila tentoi t’i fuste një celularë bashkëshotit të saj në burg. Gruaja përdori pot ë njëjtën mënyrë, mes ushqimeve por as asaj nuk i eci. E reja u arrestua menjëherë pas kontrollit dhe gjetjes së celularit.
Ndërsa një tjetër 37-vjeçare ka rrezikuar me tre celularë në vitin 2016.
Burime zyrtare të policisë bënë me dije se, Brunilda Kacubela, banuese në Shkodër, ka tentuar të fusë në burg 3 telefona dhe 2 karta SIM. Pajisjet në fjalë e arrestuara donte t’ia jepte të vëllait, që po kryen dënimin në këtë burg.
Nuk mund të lëmë pa përmendur rastin e nënës 51 vjeçare nga Fieri që tentoi të fusë jo pak por katër celularë djalit të saj në burg. Materialet i kaluan Prokurorisë pranë Gjykatës së Shkallës së Parë Fier për veprën penale “Futja ose mbajta e sendeve të ndaluara në institucionet e ekzekutimit të vendimit me burgim” e mbetur në tentativë, parashikuar nga Neni 324/a/1 dhe 22 i Kodit Penal.
AlpeNews.al
