Pesë burra janë akuzuar se kanë dhunuar seksualisht si grup një vajzë 18 vjecare në Spanjë, por nuk janë gjykuar për përdhunim, rast që ngriti protestë kombëtare.
Të pestë u dënuan me 9 vite burg. Ata filmuan sulmet seksuale gjatë festivalit të Pamplona-s në San Fermin në korrik të vitit 2016.
Dhjetra protestues jashtë gjykatës kanë kritikuar vendimin, duke thirrur: “Është përdhunim, jo abuzim”.
Sipas BBC, disa demonstrata janë bashkuar kundër vendimit dhe në mbështetje të viktimës.
Pesë meshkujt, rreth moshës 20-30 vjec dhe viktima nuk ishin të pranishëm kur gjykimi u lexua pas një pritje pesë-mujore, i cili u mbajt pas dyerve të mbyllura për të mbrojtur identitetin e gruas.
