Bastisjet janë kryer në katër vende në kontekstin e një hetimi që përfshin një njeri të dyshuar për lidhje me ekstremistët islamikë
Në Berlin u kryen disa bastisje gjatë së cilave policia sekuestroi armë dhe municion, kurse një person u arrestua.
Bastisjet janë kryer në katër vende në kontekstin e një hetimi që përfshin një njeri të dyshuar për lidhje me ekstremistët islamikë.
Në atë rast, një gjerman 40-vjeçar u arrestua, i cili gjatë ditës do të duhej të paraqitet para gjykatës. Autoritetet thonë se bastisjet kanë nisur pas hetimeve të shumta dhe se ata kanë vendosur të veprojnë për shkak të frikës se armët mund të përdoreshin për sulm.
Policia nuk ka specifikuar sasinë e saktë të armëve dhe municioneve të konfiskuara.