Një 36 vjeçar është arrestuar nga Policia në Vlorë pasi nga një kontroll që i është bërë në shtëpi, i janë sekuestruar 22 kilogramë drogë, 2130 fara kanabisi dhe municion luftarak.
Sipas Policisë, në kuadër të operacionit “Vllahina” u bë kapja dhe arrestimi i shtetasit N. I., 36 vjeç, banues në fshatin Kropisht, Vlorë.
Gjatë kontrollit të ushtruar në banesën e shtetasit N. I., shërbimet e Policisë kanë gjetur dhe sekuestruar në cilësinë e provës materiale rreth 22 kg lëndë të dyshuar cannabis sativa, 2130 fara kanabisi dhe një sasi municion luftarak.
Materialet iu referuan për veprime të mëtejshme, Prokurorisë së Rrethit Gjyqësor Vlorë, për veprat penale “Prodhimi dhe shitja e narkotikëve” dhe “Mbajtja pa leje e armëve luftarake dhe e municionit”.