Një familje në Pogradec ëshë nxjerrë jashtë banesës nga përmbarimi. Megjithatë sipas pronarëve përmbarimi është jashtë ligjit pasi vijojnë të nxjerrin orenditë dhe të boshatisin banesën, raporton për BalkanWeb gazetarja Iris Rezhda.
Sipas Behare Rushitit, pronares së shtëpisë, policia ka dhunuar vajzën 14-vjeçare, e cila nuk lejonte nxjerrjen nga banesa.
“Kisha marrë lekë me fajde, i kam shlyer, ndërkohë kam edhe një shumë të vogël. Jam ende në proces gjyqësor. Përmbarimi ka ndërhyrë pa përfunduar gjyqi. Janë të paguar së bashku me noteren dhe gjykatën,” u shpreh pronarja.
Behare Rushiti paralajmëroi se nëse e linin në mes të rrugëve dhe nuk i jepnin të drejtë do të varte veten para shtëpisë.
“Më lanë mes rrugëve. Jam e sëmurë sapo dola nga spitali. Kërkoj të drejtën sepse jemi në rrugë. Nesë nuk më japin të drejtë do të var veten para shtëpisë,” u shpreh ajo.
Ndërkaq 40-vjeçarja është marrë me ambulancë dhe është dërguar në spitalin e Pogradecit në gjendje të fikëti.
