Disa persona janë arrestuar gjatë ditës së sotme në Shkodër, pasi kanë tentuar të kalojnë disa klandesinë në Mal të Zi.
Tentojnë të kalojnë shtetas të huaj jashtë kufirit të Shqipërisë, arrestohen në flagrancë 5 shtetas në Shkodër.
Nga Specialistët e Seksionit të Trafiqeve të Paligjshme në Drejtorinë Vendore të Policisë Shkodër, pas një pune të mirëorganizuar, u bë arrestimi në flagrancë i shtetasve:
Rolando Shtufi, 44 vjeç, banues në Tiranë, pasi me mjetin e tij me targë AC844T, po transportonte 5 shetas të huaj Sirian.
Haxhi Murati, 57 vjeç, banues në Tiranë, i cili me mjetin e tij me targë AC855T, po transportonte 5 shtetas të huaj Sirian.
Atli Truplja , 51 vjeç, banues në Tiranë, i cili me mejtin e tij me targë AC856T, po transportonte 5 shtetas të huaj Sirian.
Leonard Dema, 49 vjeç, banues në Tiranë, pasi me mjetin e tij me targë AC599T, po transportonte 4 shtetas të huaj Sirian.
Kastriot Selamaj, 55 vjeç, banues në Tiranë, pasi me mejtin e tij me targë AB150T, po transportonte 4 shtetas të huaj Sirian.
Këto shtetas në afërsi të Urës së Bahçallëkut u kapën dhe u arrestuan, pasi në bashkëpunim dhe të organizuar me njëri-tjetrin dhe me mjetet e tyre të cilët janë të një firme që ofron shërbim “Taxi” në Tiranë po transportonin 23 shtetas të huaj Sirian për në Mal të Zi, me destinacion final Austrinë.
Materialet i’u referuan Prokurorisë së Rrethit Gjyqësor Shkodër, në ngarkim të shtetasve të lartëpërmendur, për veprën penale “Dhënie ndihmë për kalim të paligjshëm të kufirit”, e kryer në bashkëpunim parashikuar nga neni 298/3 të Kodit Penal.
