Një grup prej tetë alpinistësh është zhdukur gjatë ngjitjes në Himalaje në Indi.
Ekipi, i cili përfshin katër vetë nga Mbretëria e Bashkuar, dy amerikanë, një australian dhe një indian filloi ngjitjen në Himalaje më 13 maj.
Gjithë anëtarët e ekipit prej 12 vetësh duhet të ktheheshin në bazë siç ishte planifikuar, në datën 25 maj, mirëpo tetë prej tyre nuk u kthyen.
Menjëherë një ekip shpëtimi u nis në kërkim të tyre, shkruan BBC, por deri më tani pa asnjë rezultat.
Ndërkohë nesër pritet që një helikopter i Forcave Ajrore Indiane të përdoret për gjetjen e tyre.
