U nis të shkonte drejt pallatit më afër plazhit publik në Sarandë, por përfundoi në gropën e një ashensori duke u plagosur rëndë.
Ngjarja ka ndodhur lagjen numër 4 në Sarandë, në një pallat 7 katësh, ku siç mund të shihet në hyrje të tij nuk ka ndriçim dhe për më tepër dera e ashensorit, që nuk është vënë në funksion është e hapur.
Vajza, identiteti i të cilës nuk bëhet i ditur nuk është e zonës dhe ka tentuar të hyjë në ashensor siç thonë banorët e pallatit për të veshur kostumin e plazhit, por nga mungesa ndriçimit dhe duke mosnjohur pallatin ka përfunduar në 4 metra thellësi, duke u plagosur. Ajo nuk lëviz por dëgjohet teksa qan e thotë mes vajit se po i del gjak nga veshi, ndërsa banorët përpiqen ta qetësojnë.
Një vajzë që e shoqëronte shihet teksa e tmerruar bërtet e qan nga frika për të renë që ka rënë dhe nuk lëviz nga vendi ku ndodhet.
Nje person ka rene ne gropen e ashensorit ne nje pallat ne Sarande, duke pesuar demtime.Per nxjerrjen e saj eshte dashur ndihma e zjarrfikses Vajza eshte transportuar drejt Spitalit per ndihme mjeksore
Gepostet von Saranda Web am Sonntag, 15. Juli 2018
Për nxjerrjen e saj është dashur ndihma e zjarrfikëses. Vajza është transportuar drejt Spitalit të Sarandës dhe ndodhet jashtë rrezikut për jetën.
Edhe pse i ndërtuar prej rreth 6 vjetësh, në këtë pallat ashensori nuk është vënë në funksion. Në vend të ashensorit nuk është vendosur asnjë portë për të sinjalizuar banorët apo njerëzit që hyjnë në këtë pallat se në vend të ashensorit aty ka një gropë, duke rrezikuar jetë të tjera njerëzish.
