Ramiz Gjini, shkrimtari i njohur i cili prej vitesh jeton në Amerikë, u ka dhënë një shuplakë të gjithë kritikëve nga Partia Demokratike, të cilët së fundmi janë duke sulmuar partinë “Bindja Demokratike”.
Edhe pse një pjesë e konsiderueshme e ish-deputetëve të PD-së janë radhitur për të kritikuar krijimin e partisë së re, Gjini në këndvështrimin e analistit ka zgjedhur t’u kujtoj kritikuesve kohën kur kreu i PD-së, Lulzim Basha largoi Astrit Patozin.
“Askush nuk foli një fjalë, kur Lulzimi, pa asnjë argument bindës, e shmangu Patozin nga Partia Demokratike. Dhe, a e dini përse?
Sepse janë njerëz të mumifikuar, pa mendim vetjak e që mendojnë se kryetari i partisë i di të gjitha.
Tani llapin e çirren plot me urrejtje, pse krijuan një parti”, shkruan Gjini.
Sipas tij, të gjithë ata që e gjykojnë dhe linçojnë “Bindjen Demokratike”, janë militantë-rekrutë të verbër të PD-së.
“Gjykohet e linçohet edhe pse, kjo parti sapo është krijuar dhe do t’i duhet shumë kohë e punë për t’i dhënë trajtë një profili të qartë. Të gjithë ata që e bëjnë, janë militantë – rekrutë të verbër të PD-së pa mendim vetjak, pra, mish për top. Janë ata, për të cilët mendon e flet kryetari i partisë. Detyra e tyre është vetëm të duartrokasin e brohorasin”, është shprehur Gjini në reagimin e tij.
Sërish shkrimtari i njohur ka bërë një retrospektivë, duke u kujtuar rekrutëve të verbër , të cilët dje çirreshin ndaj çiftit Meta-Kryemadhi, ndërsa sot janë bashkë me ta.
“Dje, çirreshin kundër Ilirit, Monikës, Edit, pra, kundër aleancës së qelbësirave, që ishin bashkë në pushtet. Sot brohorasin e duartrokasin Monikën dhe nuk duan t’ia dinë, pse edhe kjo aleancë PD – LSI, është një aleancë edhe më e neveritshme, që bie erë qelbësirë!
Aleanca e tyre, mund t’i shërbejë ca kokave në PD dhe LSI, por kurrë Shqipërisë. Ndyrësia ka dalë sheshit në rrugë. Shqipëria nuk bëhet”, përfundon shkrimtari.
