Një aksident tragjik është regjistruar në Horgen të Zvicrës. Ngjarja ka ndodhur mesditën e së martës dhe viktimë ka mbetur një 83-vjeçar nga Kosova.
I moshuari u përplas nga makina, teksa po kalonte rrugën në këmbë. Policia zviceriane bën me dije se shoferi ishte një 51-vjeçar i cili po lëvizte në Winsiedlerstrasse drejt Horgenit.
Si pasojë e përplasjes së fortë, i moshuari është hedhur disa metra larg duke ndërruar jetë në vend. Sipas mediave zviceriane, nuk dihen ende rrethanat e sakta të aksidentit.
