Rrjeti i është ‘vërsulur’ vajzës 18-vjeçare të Vladimir Putini në internet për luftën kundër Ukrainës.
Luiza Rozova, një studente në Shën Petersburg, është “sulmuar” nga një lumë komentesh në Instagram për pushtimin, me ndjekësit që e pyesin: ‘A je fshehur në ndonjë bunker si një mi?’.
Rozova, e cila ka 84,000 ndjekës, ndaloi së postuari publikisht pesë muaj më parë, duke ngritur dyshimin se vetë babai i saj, Vladimir Putin, ia kishte ndaluar diçka të tillë.
Kjo vjen mes pretendimeve se Putini ka fshehur anëtarët e familjes së tij në një bunker luksoz të teknologjisë së lartë në një ‘qytet nëntokësor’ në Siberi, i projektuar për mbrojtje në rast të një lufte bërthamore.
Ditët e fundit përdoruesit e shumtë të Instagram kanë komentuar në postimin e fundit të Rozovës, nga tetori 2021, duke e akuzuar adoleshenten si ‘bijë e një vrasësi, krimineli lufte, psikopati”.
