Janë publikuar fotot e para të 44-vjeçares, Sandra Manuela da Costa Macedo e cila humbi jetën tragjikisht pasi u rrëzua nga kati i 27-të i një ndërtese.
Sandra Manuela po qëndronte në kangjellat e ballkonit të saj, në përpjekje për të kapur një selfie në momentin që humbi ekuilibrin dhe u rrëzua për vdekje.
Pamjet horror të marra nga disa punëtorë të ndërtimit tregojnë momentin që nëna e dy fëmijëve bie nga ballkoni ndërkohë që mbante në dorë një shkop për selfie.
Një nga dëshmitarët dëgjohet të thotë:
Ajo është e çmendur, ja shikoje! E sheh? Ajo ra!”
Ndërkohë mediat vendase raportojnë se, sipas policisë, një erë e fortë që nisi të frynte mund ta ketë bërë atë të humbasë ekuilibrin ndërsa përpiqej të merrte foton e përsosur.
Nëna e dy fëmijëve kishte shumë pak kohë që ishte shpërngulur për në Panama nga qyteti verior portugez i Vila das Aves.
