Detaje te reja pas ngjarjes se rende te ndodhur mbreme, kur një 30-vjeçar ndërroi jetë në Spitalin e Shkodrës, pasi ishte dërguar aty i plagosur rëndë me armë zjarri.
Identifikohet autori i vrasjes. Sipas policise ai eshte Enderis Dodaj, 25-vjecar, i cili shkrepi armen dhe dyshohet se ka vrare nga pakujdesia 30 vjecarin Petrit Biba, me origjinë nga Mirdita.
Ai u dërgua në gjendje të rëndë në Spitalin e Pukës, rreth orës 20:30, por për shkak të gjendjes kritike, u transportua me urgjencë drejt Spitalit të Shkodrës, ku edhe ndërroi jetë.
Burimet thanë se ngjarja ka ndodhur pranë një HEC-i, në fshatin Kaftallë të Pukës, por ende nuk dihet nëse 30-vjeçari ka qenë rastësisht aty apo ishte i punësuar. Sipas Policisë, ai kishte plagë me armë zjarri tejshpuese në bark, që dyshohet se janë shkaktuar nga një armë automatike.
Për shkak të errësirës, por edhe për arsye se i plagosuri është transportuar nga banorët e zonës drejt spitalit, Policia ende nuk e ka gjetur armën e krimit.
Viktimës fillimisht i është dhënë ndihma e parë nga mjekët e urgjencës në spitalin e Pukës, por sipas Policisë plumbat i kishin dëmtuar disa organe jetësore e për pasojë nuk ka arritur t’u mbijetojë plagëve.
Policia ka nisur hetimet për zbardhjen e rrethanave të krimit, duke shoqëruar fillimisht për të marrë në pyetje personat që e kanë gjetur të plagosur. Ata kanë deklaruar se nuk e njohin të plagosurin, pasi nuk është banor i zonës.
Ndërsa kanë mohuar të kenë parë ndonjë konflikt mes tij e ndonjë personi tjetër.
