Ministri i Jashtëm i Greqisë duket se është përshtatur shpejt dhe i ka pëlqyer pa masë klima dhe atmosfera korçare me të cilën po e mirëpret në këtë fundjavë bisedimesh dypalëshe, homologu i tij shqiptar Ditmir Bushati.
Autokolona e delegacionit grek ne rrugët e Korçës
Përtej protokollit zyrtar, takimeve teknike, bisedimeve diplomatike dhe në fund vendimeve politike që pritet të meren për dosjen e 70 viteve problematike të akumuluar mes dy fqinjëve ballkanikë, takimi i Korçës që pason atë të nëntorit 2017 në Kretë, ka edhe një anë tjetër.
Bushati dhe Kotzias dhe ambjenti folklorik ballkanik që i rrethon
Eshtë ana njerëzore ndoshta diplomacia më e mirë që me sa duket po ia dalin ta menaxhojnë si duhet mikpritësit. Në Kretë, Bushati dhe Kotziasi ia morën edhe valles. Ndërsa në Shqipëri, këto ditë janari ka muzikë të mirë korçare, shëtitje nëpër rrugë e bulevard, pazari i rikonstruktuar ikonik i qytetit, mikpritja dhe klima e ngrohtë, përtej temperaturave të ftohta të motit, të cilat duket se ndihen brenda delegacionit helen,- i tha “Alpenews.al” një gazetar i mediave qëndrore të Tiranës, që po ndjek nga afër ndoshta takimin më të rëndësishëm që diplomacia shqiptare ka realizuar vitet e fundit.
Kjo bën që kreu i delegacionit helen, ministri Nikos Kotzias të jetë në humor të mirë. Ndaj ka filluar të shijojë mikpritjen në Hotel “Life Galery” dhe mbi të gjitha gatimet e kuzhinës tradicionale korçare “me nam” jo vetëm në Shqipëri por edhe në rajon. Përveç të tjerash pllaqia, lakrori me dy petë e me shije të ndryshme, petullat e fshira dhe turshitë e shtëpisë, kanë qenë disa nga gatimet e menusë tradicionale të kuzhnieres korçare, që i kanë fituar zemrën kryediplomatit helen që është ndjerë si në shtëpi me sa duket. Pasi, mësohet se i ka shijuar veçanërisht edhe duke e shprehur kënaqësinë e tij.
Pamjet e ambjenteve te hotelit ku po zhvillohet takimi ne Korçë
Thonë se dashuria kalon nga stomaku. Urojmë që kënaqësia e mikut të ndikojë sadopak, edhe në vendimarrjen për zgjidhjen e çështjeve kaq shumë të rëndësishme e sensitive të bartuara nga historia e marrëdhënieve jo gjithnjë kaq miqësore mes dy vendeve tona, për ta bërë më të relaksuar të ardhmen e raporteve mes nesh në Ballkan fillimisht, e pse jo më vonë, edhe në BE.
Përgatiti: Alepenews.al