Ministrja e Shëndetësisë, Ogerta Manastirliu bashkë me kryeministrin Edi Rama prezantuan paraditen e së mërkurës një sërë masash e investimesh që do të parashikohen në buxhetin e vitit të ardhshëm.
Teksa prezantuan shumëfishimin e bonusit për lindjen e fëmijëve, Manastirliu deklaroi sot se po punohet për të përmirësuar të gjithë sistemin parësor përsa i përket materniteteve.
Më tej ministrja e Shëndetësisë bëri me dije se ka filluar puna për rikonstruksionin e maternitetit të Sarandës dhe Korçës e se shpejti do rikonstruktohen edhe maternitetet e Kukësit, Lezhës dhe Beratit.
