Në Gjykatën e Shkallës së Parë të Juridiksionit të Përgjithshëm Korçë është zhvilluar seanca gjyqësore për të ndaluarit e ngjarjes së ndodhur dy ditë më parë në qytetin e Pogradecit, ku si pasojë e të shtënave me armë zjarri pati edhe të plagosur.
Togat e zeza, ditën e sotme, kanë vlerësuar të ligjshëm arrestimin e shtetasve Alted Jolldashi, Deist Meko dhe Klajdi Lotis, për të cilët është vendosur masa e sigurimit “arrest burg”.
3 të rinjtë u arrestuan pak orë pas ngjarjes ku policia arriti të gjente edhe armët e përdorura në këtë përplasje mes tyre në një zonë tepër të populluar të Pogradecit pranë stadiumit ku i plagosur me disa plumba mbeti Alted Jolldashi.
