Detaje të reja kanë dalë në lidhe me plagosjen e Nuredin Dumanit në Papër të Elbasanit gjatë kohës që ka qenë në BMË me xhamat e zinj. Report Tv ka mësuar se në Papër grupi hetimor ka gjetur më shumë se 20 gëzhoja kallashnikovi.
Këta plumba kallashnikovi janë të dy armëve të ndryshme. Megjithatë, mbetet e paqartë nëse kemi të bëjmë me shkëmbim zjarri apo armë që janë qëlluar nga një drejtim.
Provat e mbledhura në vendin e ngjarjes janë dërguar në laboratorin e Policisë Shkencore për të përcaktuar më tej dinamikën.