Shoqërohet në polici Sotir Gjonçari autori i dyshuar i plagosjes me armë gjahu çifte të 55 vjeçarit Viktor Hyso në Vlorë.
Ngjarja ka ndodhur te “Lumi i Kripës”, në afërsi të fshatit Dëllënjë, ku është plagosur me armë gjahu Hyso.
Menjëherë në vendngjarje ka shkuar policia e cila bëri të mundur identifikimin e autorit të dyshuar.
“Plagosi me armë gjahu një 55-vjeçar, shoqërohet autori i dyshuar i ngjarjes. Pas marrjes së njoftimit se në vendin e quajtur “Lumi i Kripës”, në afërsi të fshatit Dëllënjë, është plagosur me armë gjahu shtetasi V. H, menjëherë në vendngjarje kanë shkuar shërbimet e Policisë të cilat bënë të mundur identifikimin e autorit të dyshuar.
Falë reagimit në kohë dhe punës profesionale u bë e mundur shoqërimi i autorit të dyshuar, shtetasit S. Gj., 58 vjeç, banues në Delisuf, i cili gjatë një konflikti të çastit, për motive të dobëta, dyshohet se ka plagosur me armë gjahu çifte, shtetasin V. H., 55 vjeç, banues në Novosel, i cili ndodhet jashtë rrezikut për jetën”, thotë policia.
Në cilësinë e provës materiale u sekuestrua arma e gjahut çifte (të cilën ky shtetas e posedonte me leje)