Aleks Pepaj, i dyshuar si pjesëtar i grupit kriminal të drejtuar nga Jetmir Pepa, ka ankimuar në Apelin e Posaçëm vendimin e GJKKO-së që e la në masën e sigurisë “arrest me burg”.
Pepaj akuzohet për trafik droge dhe pastrim të produkteve të veprimtarisë kriminale. Ai u ekstradua nga Emiratet e Bashkuara Arabe më 5 qershor, pasi ishte shpallur në kërkim ndërkombëtar pas operacionit kundër grupit kriminal të Jetmir Pepës. Sipas hetimeve, grupi dyshohet se ka vepruar gjatë viteve 2019-2021 në Amerikën Latine, Belgjikë dhe Holandë, ndërsa vetëm gjatë vitit 2020 dyshohet se ka trafikuar ose tentuar të trafikojë drejt Evropës rreth 7.5 tonë kokainë.
