Djali i Pal Trushajt, 63-vjeçari që piu helm në ambientet e SPAK dhe ndërroi jetë në spital, ka thyer heshtjen, ndërsa ka treguar detaje për ngjarjen e rëndë.
“Në vitin 2019 është marrë kredia. Nuk kam informacione të sakta mbi këtë situatë që të qëndrojë dhe në aspektin protokollar, si procedurë. Është një ngjarje e rëndë, sepse ishim….Erdha nga jashtë, erdha te Toksikologjia, Ishte e pamundur që të merrnim informacion. Ajo që më shqetësoi ishte fakti që mjekja nuk ishte fare optimiste. Xhaxhai i tha pse e bëre? Ai tha; ja nga padrejtësia. Babai është munduar që të na e shmangte këto probleme. Ka pasur një problem me një bankë të nivelit të dytë. Nuk mund të spekuloj asgjë. I është marrë banesa. Ka qenë një rast i tmerrshëm. Është konfiskuar makina, banesa në fshatin Pllanë, por nuk është e sekuestruar ende. Ne do të marrim një avokat. Humbja është katastrofë. Të humbësh prindin, s’ka fjalë tjetër. Jemi të shokuar. Do t’i hyjë me themel kësaj çështje.”, tha i biri. Mësohet se Pal Trashaj humbi shtëpinë nga kompanitë e kredive.
NJOFTIMI I POLICISE
Në vijim të informacionit paraprak të dhënë ditën e djeshme, ku në rrugën “Panorama”, shtetasi P. T., 63 vjeç, ka konsumuar fostoksinë, ju informojmë se ky shtetas ka ndërruar jetë në spital, mëngjesin e sotëm.
